| Skånevik
ligg i utløpet av Åkrafjorden, omkransa
av flott natur. Her bur om lag 1.000 innbyggjarar.
Om sommaren aukar talet monaleg grunna feriegjestar
og reisande. Frå Skånevik går
hurtigbåt mot Stord og Bergen, og ferje
til Kvinnherad. I gamal tid var postvegen over
fjellet mot Etne ein viktig ferdaveg.
Skånevik har eit variert
næringsliv, der småindustri, service
og reiseliv står i sentrum. Kulturen har
ein viktig plass, med fleire store, årlege
arrangement. Torgdagane og Bluesfestivalen er
dei mest kjente.
Elles er bygda rikt utstyrt,
med barne- og ungdomskule, godt barnehagetilbod,
omsorgssenter, helsesenter, idrettshall, nyoppussa
kyrkje og stort hotell. Skånevik er kjent
for sitt trivelege trehusmiljø og sine
frodige grøne lunger. I handlegata får
du tak i det meste; m.a. dei kjente bakevarene
til Larsen Bakeri.
Velkommen til Skånevik,
”Sunnhordlands perle”!
|
